شمشان گهاٽ مندر ملير: هيءُ مندر ڪراچيءَ جي هاڻوڪي تاج ڪالوني'>آگرا تاج ڪالوني لياري، لياري نئن جي ڪناري، هندن جي شمشان (مساڻ) گهاٽ واري علائقي ۾ هو. ان ڪري آگري تاج واري روڊ کي شمشان/مساڻ روڊ (آتما رام پريتم داس روڊ) چيو وڃي ٿو. ڪتاب ‘ڪراچي سنڌ جي مارئي’ (ٻيو ڇاپو، ص 570) جي لکڻ مطابق انهيءَ مندر جي جاءِ تي 1948ع ۾ هندستان کان آيل مهاجر ڊاڪٽر شير شاهه سيد جي والد ظفر علي آزاد ‘غازي محمد بن قاسم’ نالي اسڪول کوليو هو، جيڪو اڃا تائين قائم آهي.